Nagpahinumdom an Department of Health Eastern Visayas nga bakuhanan ha tagsa kag-anak nga pabakunahan an mga anak agud malikyan an sakit nga Tigdas ngan Rubella.
Subay ha buhatan han panlawas, kinahanglan mabakunahan an tagsa anak nga nag-eedad 9 ngada 59 kabulan agud maagapan an pagkakamayda hin kumplikasyon ha nasabi nga mga sakit.
Labot la ha bakuna kontra Tigdas ngan Rubella in kinahanglanon gihapon nga bakunahan kontra Polio an 0 ngada 59 kabulan.
Mababaruan nga an sakit nga Tigdas in usa nga grabe nga sakit nga nakakatapon durot han measles virus. Puydi ini magdurot hin pneumonia, ear infecttion ngan conjuctivitis.
Dugang pa han DOH, nga bumisita la an tanan ha ira mismo page para ha kadugangan nga impormasyon, bahin ha lain pa nga sakit.
