Inihayag ng Department of Health (DOH) na nasa critical risk classification ang 13 mula sa 32 COVID-19 referral centers, para sa kanilang healthcare utilization (HCUR), sa gitna ng surge sa mga kaso ng coronavirus dahil sa Delta variant.
Sa datos ng DOH mula noong September 5, ang HCUR ay nasa 100 percent sa Research Institute for Tropical Medicine at Amai Pakpak Medical Center, 99 percent sa Southern Philippines Medical Center at Region I Medical Center, at 96 percent sa National Kidney Transplant Institute, Lung Center of the Philippines, at Baguio General Hospital and Medical Center.
Kaugnay nito, nasa critical risk rin ang HCUR sa Quirino Memorial Medical Center at Philippine General Hospital sa 95 percent, Batangas Medical Center sa 92 percent, Jose B. Lingad Memorial Regional Hospital at Dr. Paulino J. Garcia Memorial Research and Medical Center sa 91 percent, at Dr. Jose N. Rodriguez Memorial Hospital sa 89 percent.
Samantala, nasa high risk naman ang HCUR sa anim na iba pang ospital na kinabibilangan ng Cagayan Valley Medical Center sa 86 percent, Western Visayas Medical Center sa 77 percent, Northern Mindanao Medical Center sa 75 percent, Cotabato Regional and Medical Center sa 76 percent, San Lazaro Hospital sa 71 percent, at Amang Rodriguez Memorial Medical Center sa 70 percent.
Sa kabuoan, ang mga higaan sa 32 COVID-19 referral centers sa Pilipinas ay nasa 80 percent occupied.
