KORONADAL CITY- NAGPADALA ng mga personnel ang Department of Health o DOH 12 sa CARAGA region upang magbigay ng health services at iba pang serbisyo sa mga biktima ng bagyong Odette.
Inihayag ni DOH 12 health education and promotion officer Arjohn Gangoso na ang Health Emergency Response team ng rehiyon ay binubuo ng 31 mga doktor, nurses, iba pang mga health professional at non-medical manpower.
Magbibigay ang mga ito ng sebisyo sa mga typhoon survivors sa Dinagat Islands.
Kabilang sa mga serbisyo ng grupo na hinati sa 5 clusters ang
medical and nutrition; disease surveillance and response; water, sanitation, and hygiene; mental health and psychological support; at logistical support.
Ang team ay magtatagal sa lugar sa loob ng 14 na araw.
Una ng nakapagpadala ng ayuda ang rehiyon 12 sa pamamagitan ng Relief and Assistance Drive ng Regional Inter-Agency Task Force sa mga biktima ng bagyo kasama ang iba’t ibang ahensya ng gobyerno at mga pribadong sector.
