Pinaniniwalaan ni Department of Defense (DND) secretary Gilbert Teodoro na pagkukunwari lamang ang pakikipagugnayan ni Chinese President Xi Jin Ping kina Pangulong Bongbong Marcos at dating Pangulong Rodrigo Duterte.
Ito’y matapos ang banggangaang naganap sa pagitan ng mga Chinese at Pilipinong magsasagawa ng resupply mission sa West Philippine Sea.
Aniya, “just for show” lamang ang naganap na pakikipagpulong dahil hindi sumasalamin ito sa mga aksyong nagawa ng mga Tsino.
Binigyang-diin ng kalihim na dapat ipagpatuloy nina Marcos at Xi ang pag-uusap, ngunit dapat magpakita na ito ng mabuting pananampalataya at sinseridad, hindi tulad ng mga nakaraang pagkakataon.
