Ipapaubaya na raw ni Department of Migrant Workers (DMW) Secretary Hans Leo Cacdac ang kaniyang kapalaran sa Commission on Appointments.
Kung maaalala kasi – hindi natapos ang confirmation hearing ng CA kahapon para sa ad interim appointment ni Cacdac.
Si-nuspend ang pagdinig dahil marami pa raw katanungan ang mga miyembro ng makapangyarihang kumisyon na kinakatawan ng mga mambabatas mula Kamara at Senado.
Sabi ni Cacdac – nailatag naman niya nang maayos ang mga programa ng DMW.
Naniniwala rin siyang nasagot niya nang maayos at totoo ang mga katanungan ng mga CA members at mga oppositors.
Sa huli, tiniyak niyang tuloy pa rin ang kaniyang trabaho; at ‘di raw mapapatid ang kanilang mga trabaho para sa welfare ng mga overseas Filipino workers (OFWs).
Sakali mang ‘di pa rin ma-approve ang kanyiang appointment, maaari pa rin siyang i-reappoint ni Pangulong Bongbong Marcos.
