Posibleng hindi maidepensa ni Australian Open Champion Novak Djokovic ang kanyang 2021 title matapos makansela ang kanyang Australian visa.
Sinabi ni Australia Health Minister Greg Hunt na bigo si Djokovic na magpakita ng sapat na ebidensiya para sa entry requirements.
Napag-alamang bumiyahe ang 20-time Grand Slam champion sa Melbourne noong Miyerkules matapos makakuha ng medical exemption para makapaglaro sa season opening grand slam.
Gayunman, na-hold ito sa airport dahil hindi tinatanggap ang medical exemptions ng mga hindi bakunado kontra COVID-19 para makakuha ng visa.
Inihayag ng Australian Border Force na mahigpit nilang ipatutupad ang mga batas at requirements lalo na ngayong naghigpit dahil sa peligro ng COVID-19 pandemic
