CAMARINES NORTE – Isinagawa sa iba-tibang eskwelahan sa bayan ng Labo, Camarines Norte ang distribusyon ng Financial Assistance para sa mga mag-aaral ng pampubliko at pribadong paaralan.
Ito ay bahagi ng nagpapatuloy na Provincial Government High School Education Assistance Program ng pamahalaang panlalawigan ng Camarines Norte.
Kabilang ang mga estudyante na napagkalooban ng financial assistance program ay ang Tulay na Lupa National High School, Baay High School, Aniceta De Lara Pimentel High School, Camarines Norte International School, Labo National High School, Labo Science and Technology High School at New Life Gospel Academy kasama rin dito ang North Hills College of Asia, St. John The Apostle Academy, Talobatib High School, Pag-asa High School at ang Calabasa Integrated School Ayon sa Camarines Norte Provincial Information Office, ang Pamahalaang Panlalawigan ng Camarines Norte ay may hangaring suportahan ang sektor ng edukasyon at kinabukasan ng mga Camnorteñong Kabataan.
