HUMAN sa mga reklamo sa pipila ka trabahante ug motorista kalabutan sa dili tupong nga dalan sa Santiago Boulevard, sa General Santos City. Setyembre 2 sa gabei, gi-aksyonan na sa City Engineer’s Office ang mulo sa katawhan ug hingpit nang na espalto ang maong dalan.
Sumala pa sa labaw sa CEO nga si Engr. Ronald Nuñeza, alas 8 pasado sa gabei nagsugod sila og ayo sa lugar asa wala na kaayo mga sakyanan nga nagaagi aron dili sab kini mahimong hinungdan sa traffic.
Gibutyag sab sa opisyal nga karong semanaha target nilang humanon ang dalan aron wala nay mabangga nga mga sakyanan.
Tungod niini, dako sab ang pagpasalamat sa mga nagatrabaho duol sa lugar lakip nagpasalamat ang mga drayber nga naaksyonan na ang ilahang problema.
Nangayo sab og pasensya si Engr. Nuṅeza sa naperwisyo nga mga biyahero. I Enamie Mogpon
