Prayoridad karon ang mga vaccinated employees aron subling i-hire sa Davao City government.
Nagpagawas si Davao City Mayor Sara Duterte ug Executive Order 45-A, nga mandato ang pag-hire sa mga fully vaccinated individuals nga gisugdan niadtong primerong adlaw sa 2022.
Ang EO 45-A nga gilagdaan niadtong Septiyembre 20, 2021 mao ang bag-ong version sa EO 45 kon “An Order Mandating The Vaccination Of All City Government of Davao Plantilla, Job Order, Contract of Service, and Volunteers For COVID-19 and Stipulating Sanctions For The Refusal of Such,” nga gipirmahan sa mayor niadtong Septiyembre 15.
Ang duha ka mga EOs nagmando sa mandatory vaccination sa tanang empleyado sa City Government of Davao on or before Nov. 30, 2021, samtang ang mapakyas sa pagpabakuna dunay tukmang silot.
Ang plantilla personnel nga mobalibad sa pagpabakuna pahamtangan og insubordination ug silotan hangtod unom ka bulan nga suspension sa unang offense ug dismissal from service sa ika-duhang offense.
Posibleng exempted sa mandatory Covid-19 vaccination kadtong dunay medical concerns o comorbidities.
Sa kinatibuk ang 20,000 ka city government employees, 12,000 kanila ang nabakunahan na. BNFM-Davao
