Tahasang sinabi ni Interior secretary Benhur Abalos na walang alam ang kanilang departamento hinggil sa naging imbestigasyon ng International Criminal Court o ICC sa bansa.
Sa Malacañang press briefing, sinabi ni Abalos na wala rin silang komunikasyon sa ICC.
Tiniyak pa ng opisyal na susunod sila sa kung ano man ang direktiba ni Pangulong Bongbong Marcos.
Una nang sinabi ng Pangulo na hindi nito kinikilala ang hurisdiksyon ng ICC sa Pilipinas, at inatasan na rin ang mga ahensya ng pamahalaan na huwag sumagot sa ICC.
Nabatid na ayon kay dating senator Antonio Trillanes, natapos na raw ang ICC sa pag iimbestiga at sa pangangalap ng ebidensya hinggil sa naging drug on war ng dating administrasyon.
