LEGAZPI CITY – Tinipon ng Department of Interior and Local Government (DILG)-Camalig ang mga kalihim ng barangay mula sa buong bayan para talakayin ang mga salik na kinakailangan para makuha ang hinahangad na Seal of Good Local Governance para sa Barangay (SGLGB).
Ayon kay Municipal Local Government Operations Officer (MLGOO) na si Meredith O. Basquiñas, ang competitiveness pagdating sa financial administration, at sustainability, disaster preparedness, safety, at peace and order umano ang nagsilbing pangunahing punto para sa isang barangay na makamit ang nasabing pagkakaiba mula sa DILG.
Hinimok rin ni Camalig Local Chief Executive, na si Hon. Carlos “Caloy” Irwin G. Baldo Jr. ang mga kalihim ng barangay na gampanan ng nararapat ang kanilang mga tungkulin, dahil sila ang magsisilbing haligi para sa ganap na pagpapatupad ng SGLGB.
