Gindeklara ro DILG-Aklan bilang unang drug-cleared provincial office sa Region VI, suno kay DILG-Aklan Provincial Director Dino A. Ponsaran, CESE.
Raya hay matapos kumpirmahon ni Dr. Cornelio V. Cuachon, Jr., Chief of Hospital II it Dr. Rafael S. Tumbokon Memorial Hospital (DRSTMH), kung siin, ginsaksihan it Philippine Drug Enforcement Agency-Aklan (PDEA-Aklan) personnel, DILG-Aklan personnel ro ginpatigayun nga drug-test sa 38 ka empleyado it DILG-Aklan, ag ro resulta hay puro tanan negatibo.
Ro bilog nga proseso it pagkolekta hasta sa pag eksamin it mga specimen, hay nasaksihan it PDEA-Aklan, nga nagasiguro sa kredibilidad it mga resulta. // ANN DESLENE SALAZAR
