KORONADAL CITY- INISYUHAN na ng License to Operate ng Department of Health o DOH ang South Cotabato Dialysis Treatment Center na nasa compound ng South Cotabato Provincial Hospital.
Dahil dito, asahan na ng mga mamamayan ang nalalapit na pagbubukas at operasyon nito para sa libreng pagpapa-dialysis ng mga mahihirap na mga pasyente na mayroong renal failure.
Napag-alaman na naglaan ang provincial government ng P 1.3 million para sa construction ng dialysis center building at P 10 million sa pagbili ng 10 mga dialysis machines at iba pang kagamitan.
Samantala, plano din ni Governor Reynaldo Tamayo Jr na maglagay ng dialysis center sa bayan ng Polomolok at Norala.
