Pinamamadali na ng Department of Foreign Affairs ang repatriation sa higit mga Pilipino na naipit sa mga Sri Lanka na kasalukuyang nakararanas ng economic crisis.
Ayon kay DFA Undersecretary Eduardo de Vega, sa 700 mga Pilipino sa Sri Lanka, 115 ang mga nagparinig na gusto na nilang makauwi ng Pilipinas.
Aniya, inaasahan umanong makababalik na ang mga ito bago matapos ang Hulyo.
Inaasikaso na raw ng DFA ang pagbili sa kanilang mga tickets at posibleng isakay sa isang commercial flight.
Sa ngayon, sinabi ni de Vega na mayroon lamang ilang mga aberya dahil sa mga requirements bago sila makauwi.
#
