Nais ni Pangulong Bongbong Marcos na detalyado ang ilalahad na datos ng mga ahensya ng gobyerno patungkol sa mga apektado ng nagdaang bagyong Carina at Habagat.
Sa ganitong paraan anya, mas makatutugon ng maganda ang pamahalaan, depende sa partikular na pangangailangan ng mga biktima ng bagyo, lalo’t magkakaiba aniya ang kailangan ng bawat probinsya, munisipalidad, at siyudad.
Pinasasama rin ng Pangulo sa report ng mga government agency kung ilan ang mga stranded, nasaan eksakto ang mga ito, at ano na ang sitwasyon sa kanilang lugar.
Mas mama-maximize anya ng gobyerno ang limitadong assets nito, at mas mabilis na makatutugon sa paghingi ng tulong ng mga residente.
