Sa gitna ng nararanasang volcanic activity sa Bulkang Taal, naglabas na ng memorandum ang Department of Education (DepEd) na nag-o-authorize sa mga apektadong schools na magsuspinde ng kanilang klase kahit na walang pang opisyal na anunsyo mula sa mga lokal na pamahalaan.
Kaugnay nito, nakasaad sa memorandum na upang maipagpatuloy ang pagkatuto ng mga bata, inaatasan ng DepEd ang mga schools na magpatupad ng alternative delivery modalities gaya ng modular at online learning.
Samantala, ang desisyong pag-lift ng suspensyon ay nakadepende kung ligtas na ang mga estudyante at guro na makabalik sa mga paaralan.
Inaabisuhan ng ahensya ang mga concerned personnel na manatiling updated sa mga balita ang announcement mula sa PHIVOLCS.
