Nanguna ang Department of Education (DepEd) sa most-trusted at top-performing agency sa bansa sa pinakahuling Tugon ng Masa Survey ng OCTA Research Group.
Sa isinagawang survey ng OCTA nitong March 11-14, nakakuha ang DepEd ng 82% na trust rating at 84% na performance rating.
Pumangalawa naman bilang pinagkakatiwalaang ahensya sa bansa ang Department of Social Welfare and Development (DSWD) at Department of Health (DOH) sa trust rating na 79%.
Pasok din bilang most-trusted agencies ang Commission on Higher Education (CHED) at Department of Public Works and Highways (DPWH).
Sumunod naman bilang top-performing agency ang DOH na nakakuha ng 80% na performance rating na sinundan ng DSWD, CHED, at DPWH.
