NAGMALAMPUSON ug nagmalinawon ug hapsay pagbalik sa mga estudyante sa tulunghaan sa GenSan atol sa unang adlaw sa klase.
Kini ang assessment ni Romelito Flores, DepEd Gensan Schools Division Superintendent gawas nga may pipila lang ka mga bata nga kinahanglang maymayan sa mga ginikanan labi na sa mga Kinder.
Dugang ni Flores nga lakip namatikdan dungan sa opening sa klase ang paghulat sa mga ginikanan aron mangayo og certificate of enrollment hinungdan nga gihimuan usab og kasulbaran.
Lakip sa gisogyot sa mga principal nga ipadala na lang sa mga estudyante ang certificate of enrollment aron dili na magpila sa mga tulunghaan ang mga ginikanan.
Sa karon giangkon ni Flores nga wala pay dagkong problema tungod blended learning pa sa karon apan kung mag-full face to face na basin magkaproblema na.
Samtang gibutyag sa nahisgutan nga kasamtangan anaa pa sa 88 percent ang enrollees gikan sa miaging school year nga 151,047.
