Ginkumpirmar ni Capiz Schools Division Information Officer, Glenda Marie Botin nga wala pa sila sang may nabaton nga reklamo nagikan sa mga ginikanan kag stakeholders angut sa mga bulothoan nga wala nagsuspende sang klase.
Suno kay Botin, sa oras nga may suspension sang klase nakapreparar naman ang tanan nga mga manunudlo nga magpadala sang modules sa mga kabataan.
Gin-athag man sini nga ang ‘Suspension’ amo ang pagpaiway sang mga estudyante nga magpadulong sa eskwelahan apang padayon sa gihapon ang ila pagtuon.
Dugang pa Botin, nagatuman ang mga ini sa mga protocols kag guidelines nga gina-implementar sang tagsa ka banwa kaangay na lang sang executive order nga ginpanaog sang local chief executive.
Matandaan, base sa DepEd order no. 37 series of 2022 may otoridad ang mga school heads ang pagpatuman sang class suspension sa tion sang kalamidad kag iban pa. | Ken Mark Deala Gicalde
