LEGAZPI CITY – Pigsiyerto kan Department of Education (DEPED) Bicol na maray an kamugtakan kan mga delegado kan rehiyon sa nagpapadagos na Palarong Pambansa 2023 duman sa syudad kan Marikina.
Sa intrevista kan Brigada News FM Legazpi kay Mark Kevin Arroco, pigsabi kaini na maray man an mga billeting centers na paramientras na pig-iistaran kan mga atleta.
Maray sana su boot ta sentro an lugar kaya dai man ki naeeksperyensyahan na kadipisilan an mga delegado dawa pa igwang pig-provide sainda na mga sakayan.
Apwera kaini, dai paman ki nakakaabot saindang report na may nadipisilan o may dai nakaantos sa venue kan karawat durante kan trapiko.
Kaya, pigpapadagos kaining pigpapagiromdoman an mga atleta na amay na magpreparar nganing dai makaengkwentro ki anuman na mga kaulangan o kadipisilan sa pagbyahe paduman sa venue.
Mientrastanto, sa ngunyan, dai pa masasabi ni Arroco kun ano an projection kan Bicol Region sa pagtapos kan kompetisyon.
