Nabiktima it peking kwarta ru sangka 22 anyos nga fish vendor sa Brgy. Mabilo Talipapa, Kalibo, Aklan.
Sa imbisitgasyon, may eaeaki sigun nga naka helmet ag naka sakay sa motor ru gulping nagpondo sa kilid it karsadahon ag nagbakae it isda nga bangeos sa biktima.
Gin tunghoe it suspek sa fish vendor ru kwarta nga naga balor it P1,000 bill matapos magbakae it sambilog nga bang-eos nga naga balor it P68.
Eagi man nga gin baton ru kwarta it fish vendor ag dayon gin sensiltyuhan ru suspek it P932.
Ulihi eon napan-uhan it nanay it biktima nga peke ru kwarta rason nga nagreport sa Kalibo MPS.//MARIVIC Y. ILIN
