BICOL – NAKATALAAN na maghatod nin tabang an Department o Education o DepEd-Bicol para sa mga estudyante asin eskwelahan na naapektaran kan Bagyong Odette sa Eastern Visayas.
Base sa DepEd Memorandum na may petsang February 21, 2022, nagkasararo an treseng mga School Division Offices sa rehiyon para sa twinning system para sa tabang asin suporta sa inisyatibo kan Office of the Undersecretary for Administration (OUA) para sa mga apektadong eskwelakan sa lugar.
Sa irarom kan twining system, gabos na mga rehiyon asin dibisyon na dai apektado kan bagyo an pigderihiran na kumalap nin pondo, materials, supplies asin iba pang resources para makapagtao nin kinakaipuhan na asistensya ng saindang mga apektadong twinned divisions.
Nakadesignar an DepEd Bicol na magpaabot nin suporta sa mga affected divisions sa Eastern Visayas Region partikular na sa Maasim City Division, Southern Leyte Division, Baybay City Division asin Ormoc City Division.
Mantang nagpuon na an mobilization effort kan ahensya kan Pebrero a-bente dos kan presenteng taon asin piglalaoman na magtatapos sa maabot na Marso otso.
Gabos man na matitippon na tabang an ipapaabot sa DepEd Region 8 sa paagi kan sarong simpleng turn-over ceremony sa maabot na March 18 mantang nakatalaan man na dumalaw an mga delegado kan Deped Bicol sa mga apektadong eskwelahan sa ngapit na aldaw.
