GIKLARO sa Department of Education (DepED) nga dili gilayon sila mohimo og imbestigasyon kung walay reklamo batok sa personahe.
Ang pamahayag ni Carlito Rocafort, regional director sa DepED-12 ang dungan sa pagkasakop sa mister sa misis nga maestro nga dunay kuyog nga lalaki sulod sa kwarto sa usa ka inn sa Purok 15, Santiago Village, Barangay Lagao, General Santos City.
Matud ni Rocafort, dili ‘motu propio’ ang imbestigasyon ug sila maghulat usa sa ipasang-at nga reklamo batok sa ilang personahe. Ugaling dunay reklamo sila ang mo-imbestiga alang sa posibleng pagpasaka og kasong administratibo.
Giangkon sa opisyal nga pipila ka susamang kaso na ang giimbestigahan nila sa kasamtangan. Kahibaloan nga nasakpan ang maestra ug didang niini sulod sa inn human gisundan sa mister niini ang lakaw sa misis. Gihikutar na usab sa kapulisan ang pagpasaka og kasong adultery ang mga nasikop. I Richel Gubalani
