HINGPIT nang napasakaan sa kapulisan og tukmang kaso ang duha ka dinakpan sa illegal-drug buy bust operation sa Purok Maunlad, Boundary Purok Malagat, Barangay Fatima, General Santos City.
Nailhan ang mga dinakpan nnga silang Winston Dahug alyas Tadan, 44-anyos, ug Renz Cireneo, alyas Paul, 24-anyos, ulitawo, pulos residente sa nahisgotang lugar.
Nasikop ang mga suspek sa ilahang gipuy-ang balay sa nasangpit nga lugar human sa gihimong intel monitoring sa mga otoridad dihang migula ang pangalan sa duha sa listahan nga lambigit sa iligal nag aktibidad.
Ang napalit nga putos sa iligal droga nga nagkantidad og Php1,800 gisumite na sa Regional forensic unit-12 alang sa hustong disposisyon samtang ang mga suspek pabiling balhog sa selda. I Enamie Mogpon
–
