Inanunsyo ng Department of Environment and Natural Resources (DENR), isa lamang sa humigit-kumulang 3,000 residente ng Sito Kapihan ang may lehitimong karapatang manatili sa pamayanan sa bundok.
Ayon kay DENR Undersecretary Joselin Marcus Fragada sa Senate Finance Committee kaugnay sa patuloy na imbestigasyon sa Socorro Bayanihan Services, Inc. (SBSI), patay na o nakaalis na ang mga tinutukoy na “tenured migrants,” na sakop ng Protected Area Community-Based Resource Management Agreement (PACBRMA).
Kinililala ang nag-iisang tenured migrant na si Oscar Arcular, at miski si Senior Agila o Jey Rence Quilario ay hindi kwalipikado sa nasabing kasunduan.
Sa huling pagbilang, mayroon pa ring 3,350 miyembro ng SBSI ang nanantili sa Sitio Kapihan, na kinabibilangan ng 1,117 bata.
