Nagsagawa ng malakihang tree planting activities ang Department of Environment and Natural Resources sa buong Central Luzon.
Ito ay para sa pagpapaigting pa ang ginagawang rehabilitasyon ng mga kagubatan at pakikiisa ng DENR sa Philippine Environment Month ngayong buwan ng Hunyo.
Aabot sa mahigit 17,000 bamboos, native at fruit-bearing tree seedlings ang naitanim sa rehiyon nitong nakalipas na mga araw na sinalihan ng nasa dalawang libong government employees at mga volunteers.
Samantala, ang mga pinagtaniman ng mga ito ay ang mga nakatalagang expanded national greening program o engp sites sa Aurora, Bataan, Bulacan, Nueva Ecija, Pampanga, Tarlac at sa Zambales.//Arjay Supe-BNFM OLONGAPO
Photo: DENR Region III
