Denepensahan ng Department of Environment and Natural Resources (DENR) ang karagdagang P90 million sa kanilang panukalang P23.13-billion na budget para sa susunod na taon.
Ayon kay Environment Secretary Ma. Antonia Yulo-Loyzaga, na mula sa karagdagang pondo, P60 million ay mapupunta sa Office of the Secretary, P20 million para sa national water resources, at P10 million para sa mining monitoring.
Pero para kay Senator Raffy Tulfo, dapat kinuha umano ng ahensya ang pondo para sa naturang items mula sa P12-billion na budget para sa operational expenses.
Tugon naman ni Loyzaga, na hindi naman lahat ng pondo ay ginagamit ng office ng secretary, dahil ito umano ay ipinapasa pababa para sa lahat ng rehiyon na makapag-operate at magsagawa ng kanilang sariling mandato.
Nabatid na ang panukalang budget ng DENR para sa susunod na taon, ay mas mababa kumpara sa kanilang 2022 budget na P25.4 billion. //MHEL PACIA
