LEGAZPI CITY – Pigheras kan Department of Environment and Natural Resources (DENR) Bicol na nakapagdistribwer na sinda nin kabilugang 3,729 residential and 2,141 agricultural patents sa rehiyon.
Ini segun mismo kay DENR Regional Executive Director Francisco E. Milla, Jr., CESO III, kun sain sinabi kaining sa irarom kan National Lind Titling program, poon kan 2022 sagkod sa presenteng taon, iyo na an bilang kan mga nakaresibe asin kwalipikadong benepisyaryo sa kabikolan.
Mientrastanto, sa irarom man kan National Greening and Forest Protection Programs, saiyang pigkumpirmar na nasan 5.6 million seedlings an natanom kan ahensya puon 2022 hasta 2023 na nakalinya sa pagpadakol kan forest cover.
Dugang pa ni Milla, sinda man an nakapagtao ki manlaen-laen na livelihood assistance arog kan biodiversity friendly enterprise, mantang presenteng ugwa na ki apat na enterprise sa bilog na rehiyon kasarabay pa digdi an pagtabang man sa 18 Community-based Management People’s Organizational.
