LEGAZPI CITY – Nagpartisipar an mga personahes kan Albay Provincial Agriculture Office (APAO) sa isinagibong Harmonization asin Planning Workshop na isinagibo sa Villa Caceres Hotel, Magsaysay Avenue, Naga City, kan Hulyo 16, 2024.
An nasambit na aktibidad, isinagibo sa irarom kan Department of Agriculture (DA) Regional Field Office 5 – National Rice Program kaibahan an Attached Agencies and Bureaus, Philippine Statistics Authority (PSA), asin Provincial Local Government Units (PLGUs).
Obheto kan nasambit na aktibidad an pag-harmonize kan mga data na pig-gagamit kan ahensya para makabuo nin komprehensibong plano para sa regional rice programs implementation sa rehiyon. Presente sa nasambit pagtiripon si Provincial Agriculturist Ms. Cheryll O. Rebeta, Provincial Rice Focal Person Jude Valenciano, APCO Albay Mr. Florentino Ubalde, asin dakol pang iba.
