LEGAZPI CITY – Maogmang ibinareta kan Legazpi City Health Office (CHO) na hababa an numero nin mga kaso nin dengue sa syudad asin dai nadagdagan an nairerehistrong pagkagadan nin huli kaini.
Sa intrevista kan Brigada News FM Legazpi kay CHO head Dr. Fulbert Gillego, sinabi kaini na nasa 71 kaso an nairehistro puon Enero sundo Mayo ngunyan na taon.
Sinabi ni Gillego, katakod kan paglaog kan tag-uran, posible sindang magpaapod ki meeting sa mga barangay ngunyan na bulan nganing i-orient sinda asin i-reorganize an dengue brigade para ma-monitor an mga kaso pati naman an mga lakdang na may kinaraman sa dengue.
Pigsiyerto niya, pakukusugon ninda an kampanya kontra dengue bilang antisipasyon sa La Niña.
