GIKLARO sa local government unit sa GenSan nga dili nila obligasyon ang pagbayad sa milyon pesos nga utang sa kuryente sa kapulisan.
Matud ni Atty. Franklin Gacal Jr., city administrator sa LGU-GenSan dunay Maintenance and Other Operating Expenses (MOOE) ang PNP.
Lakip sa MOOE butyag ni Gacal mao ang bayad sa kuryente ug ubang operational expenses sa kapulisan.
Butyag ni Gacal Jr., nga gi-mana lang ni Police Col. Nicomedes Olaivar Jr., city director sa GSCPO gikan sa processor ang maong utang sa electric cooperative.
Luyo niini, andam motabang ang LGU sa kapulisan aron makonhuran ang P5.9 milyon kantidad sa unpaid electric bills sa GSCPO.
Kahibaloan nga 2017 pa unang migula nga dunay P8 milyon nga utang sa kuryente ang GSCPO.
Una na usab gibutyag ni Olaivar Jr., nga gikan sa ilang MOOE gisaka na sa P175,000 ang ginabayad nila matag bulan sa electric cooperative. I Richel Gubalani
