MIAPELA ang City Health Office (CHO) sa GenSan publiko sa hugot nga pagpatuman sa 4S strategy luyo sa ubos nga kaso sa dengue. Sa taho sa CHO gikan Enero hangtud Hulyo 15, nakatala ang siyudad og 340 suspected dengue cases ubos og 63% sa 913 cases nga natala atong 2021 sa samang panahon.
Sa maong datus usab natala ang pito ka dengue death, hinungdan nga natala og 2.06% nga fatality rate. Naa usab sa edad usa hangtud 10-anyos ang sagad natakboyan sa dengue, sa rekord City Epidemiology and Surveillance Unit (CESU). Nag-una barangay nga nakatala og labing daghang kaso sa dengue mao ang Barangay Labangal nga nakarekord og 56 dengue cases.
Sunod ang San Isidro nga dunay 37; Lagao 35; Calumpang 34; Mabuhay 19; Fatima 19; City Heights 17; Apopong 17; Bula 15 ug Ligaya 12. Una nang, gi-activate sa CHO ang Dengue Task Force ug gipakusgan ang Operation Kulob Kontra dengue sa mga lugar asa natala ang taas nga kaso sa makamatay nga sakit. I Richel Gubalani
