NAGPAGAWAS og ‘warning’ ang labaw sa kapulisan sa tanang sakop batok sa paglambigit sa partisan activities sa local executives. Matud ni Brig. Gen. Alexander Tagum, regional director sa Police Regional Office (PRO-12) kinahanglang mosunod ang tanan. Sa mandu nga gipakanaog ni Interior Secretary Benhur Abalos alang sa PNP nga i-distansiya ang kaugalingon sa political activities.
Wala’y problema kung mosunod sa direktiba ug kinahanglan kining sundon, butyag ni Tagum. Una nang, giawhag ni Abalos ang kasundalohan ug ubang state law-enforcement agencies nga likayan ang “influence peddling” pabor sa pulitika ug pagpasakop sa political group aron likayan ang pagkwestyon sa krebidilidad.
Giklaro ni Tagum nnga gihimo sa iyang mga sakop ang trabaho ug pagtuman sa ‘neutrality’ sa pagtabang sa Commission on Election (Comelec) atong May 9, 2022 eleksyon. Kanunay ang pahimangno sa mga sakop sa PRO-12 sa sa PNP’s Ethical Doctrine ug sa Republic Acts 6713 lakip sa 3019. Lugar nga ginsakopan sa PRO-12 ang siyudad sa General Santos, Koronadal, Tacurong and Kidapawan ug mga probinsiya sa Sarangani, South Cotabato, Sultan Kudarat ug North Cotabato. I Richel Gubalani
