LEGAZPI CITY – Pighahalat pa sa ngunyan an deklarasyon kan Junta Probinsya kan Albay na permanent danger zone (PDZ) na an 6 kilometers radius kan Bulkang Mayon segun sa Albay Public Safety and Emergency Management Office (APSEMO).
Segun kay APSEMO Chief Dr. Cedric Daep sa intrevista kan Brigada News FM Legazpi, an 6 kilometers PDZ kaya kan bulkan, rekomendasyon pa man sana kan Philippine Institute of Volcanology and Seismology asin wara pa ki opisyal na deklarasyon digdi an junta pati na an kongreso sa paagi nin resolusyon o ordinasa.
Sinabi pa ni Daep, pag igwa na ki opisyal na deklarasyon an junta, pag-oorolayan na ninda an strategy huli ta kaipuhang i-relocate an populasyon duman.