Nakatakdang i-convene ng Pilipinas at Japan ang 2+2 ministerial meeting sa defense at foreign affairs sa July 8.
Pangungunahan nina Japanese Minister for Foreign Affairs Yoko Kamikawa at Defense Minister Minoru Kihara ang meeting kasama sina Foreign Affairs Sec. Enrique Manalo at Defense Sec. Gilberto Teodoro Jr.
Inaasahang matatalakay din sa pagpupulong ang reciprocal access agreement (RAA).
Ayon sa Japanese Ministry of Foreign Affairs, makatutulong ito para mai-facilitate at maalis ang “lengthy procedures” sakaling bumisita ang Armed Forces of the Philippines sa Tokyo, o bumisita naman ang Japan Self-Defense Forces sa Pilipinas para sa training at mga pagsasanay.
Ito na ang ikalawang beses na magdaraos ng Foreign and Defense Ministerial Meeting (2+2) ang pamahalaan kasama ang Tokyo.
