LEGAZPI CITY – Magsasagawa ng decongestion ang Albay Provincial Health Office (PHO) sa ilang mga evacuation centers sa Albay kaugnay ng pag-aalburoto ng Bulkang Mayon.
Ayon kay PHO head Dra. Estela Zenit, layunin ng hakbang na ito na mabawasan ang problemang kinakaharap ng mga evacuees tulad ng kawalan ng proper ventilation na nagdudulot ng sakit sa mga evacuees.
Aniya, ito ay alinsunod sa utos ni Governor Atty. Edcel “Grex” Legman upang maisaayos ang sitwasyon ng evacuees at hindi sila madapuan o magkahawaan sa loob ng evacuation centers.
Sa ngayon, nakikipag-ugnayan ang Albay PHO sa mga LGUs upang mabigyan ng breathing space ang mga inilikas.
