Arestado it mga operatiba it Antique Police Provincial Office ro daywang most wanted person, regional ag municipal level sa daywang magkaseparar nga operasyon ku Hulyo 11.
Ro unang operasyon hay ginpatigayun it Sebaste Municipal Police Station sa Barangay Bacalan, Sebaste, Antique nga nagresulta sa pagkaaresto it Sebaste’s top 2(Municipal Level) Most Wanted Person.
Ginkilaea ro akusado nga si Anecito Aungon y Castillo, 70yo, sangka construction worker ag residente it Barangay Caridad, Culasi, Antique.
Si Aungon hay nadakpan sa bisa it Warrant of Arrest, para sa kasong Acts of Lasciviousness in Relation to Republic Act 7610 ag may rekomendadong piyansa para sa anang temporaryong kahilwayan.
Samtang, naaresto man sa ikaywang operasyon ro top 5 Most Wanted Person sa Western Visayas ag na-tag bilang number 1 MWP sa probinsya it Antique sa gintingob nga elemento it Hamtic Municipal Police Station, Antique Provincial Intelligence Unit, Regional Intelligence Unit 6 ag 1st Antique Provincial Mobile Force Company.
Ginkilaea ro suspek nga si Gregorio Leonidas Jr y Evangelio, 42 anyos, ag residente it Barangay Calacja 2, Hamtic, Antique.
Ro akusado hay gindakop man sa bisa it Warrant of Arrest sa kasong Rape nga owa it ginrekomenda nga piyansa. / ANN DESLENE SALAZAR
