KALIBO, AKLAN—Preparado eon do daywang eskwelahan sa banwa it Kalibo para nga butangan it mga COVID-19 patients.
Magiging Ligtas COVID-19 Center 4 do Kalibo Integrated Special Education Center ag do Kalibo Elementary School man hay do magiging Ligtas COVID-19 Center 5.
Do 12 classrooms sa KES ag 13 classrooms man sa KISEC hay makabulig agud nga mangin haeoga do presenting quarantine facilities sa capital town it Kalibo kung siin may una man nga 23 classrooms sa Kalibo Pilot Elementary School nga ginatan-aw nga mangin kadugangan nga quarantine facilities.
Nasayuran nga gin-aprubahan it DepEd Regional Office do hinyo ni Mayor Emerson Lachica ag it Municipal Inter-Agency Task Force bilang sabat sa nagapadayon nga health crisis. // SHERRY ANNE REUNIR-VIDAL
