Kulong sa Malay Municipal Police Station ro daywa ka wanted nga Korean national matapos ro ginpatigayun nga magkaseparar nga operasyon it mga otoridad sa isla it Boracay ku Biyernes.
Sa report, mabuhay eon nga nagapanago sa mga otoridad ro daywa ka Koreanong pugante nga ginkilaea nga sanday Kwon Yong Tae, 59yo nga naaresto sa Sitio Bolabog, Barangay Balabag ag Lim Seungil alyas IM Seung IL, 40yo nga naaresto man sa nasambit nga lugar.
Base sa pamunuan it Malay PNP, expired eon ro passport ku daywa ka Korean nga nakataeana nga ideport bangud sa pagiging undesirable ag undocumented aliens.
Parehung wanted sa kasong fraud o pagpangloko ro daywa ka pugante ag owa it eabot kara hay nagapangatubang pa si Seungil sa kasong mob assault.
Nasayuran nga sari-saring negosyo eon ro ginsueod ku daywa samtang nagapanago sa Boracay. / ANN DESLENE SALAZAR
