Boluntaryong nagsurender ro daywa ka miyembro it Communist Terrorist Group sa Maayon Police Station, Poblacion Ilaya, Maayon, Capiz ku Oktubre 1.
Ginkilaea ni Police Colonel Winston M De Belen, Provincial Director it Capiz Police Provincial Office ro mga nagsurender nga sanday Arnel Arellano alyas “Ka Nonoy” 34 anyos ag residente it Brgy. Aglimocon, Maayon, Capiz ag si Aina Otineo alyas “Ka Airen”, 33 anyos nga residente it Barangay Manayupit, Maayon, Capiz.
Suno kay PCol De Belen, nasayuran nga sandang daywa hay dating miyembro it Squad 2 Eastern PPS KR Panay.
Ro mga subject persons hay sa kustodiya eon makarun it Maayon MPS para sa facilitation ag assessment it andang posibleng pagpasaidaeum sa Enhanced-Comprehensive Local Integration Program it gobyerno. / ANN DESLENE SALAZAR
