KALIBO, AKLAN—Daywang senior citizen do nagdugang sa mga COVID-19 related deaths sa probinsya it Aklan.
Raya hay ginaeakipan nanday Case # 2,142 nga sangka 62 anyos nga babae halin sa banwa it Kalibo ag si Case # 2,016, 60 anyos nga eaeaki nga taga-Banga, Aklan.
Bangud kara, sumaka eon sa 46 do total deaths sa probinsya matapos nga iguan it COVID-19 infections.
Samtang, humampak eon sa 2,155 do total confirmed cases sa Aklan matapos madugangan it 35 kahapon kung siin 342 pa kara do nagapabilin nga aktibong kaso samtang do total recoveries hay sumaka man sa 1,766. // SHERRY ANNE REUNIR-VIDAL
