Gikatakda matod pa nga mamahimong hub sa marine research ang Davao Occidental dungan sa sugyot nga pagtukod sa Marine Research Center human ang joint initiative sa Department of Science and Technology Region XI (DOST Region XI), Provincial Economic Enterprise and Investment Promotions Office (PEEIPO) og Municipal Local Government Unit (MLGU) sa Sarangani Island kini aron nga mapalig-on ang kapasidad sa probinsiya sa marine biodiversity og sustainable development.
Atol sa bag-ohay pa lamang nga coordination meeting tali sa key stakeholders gikan sa MLGU Sarangani Island og DOST, ilang nahisgutan ang himuon nga pagpalambo, program plans, identification ingon man prioritization sa research sites.
Gipasalig sa Sangguniang Bayan nga suportahan nila ang pagduso og board resolution nga mag-endorso sa pagmugna og Marine Research Center sa probinsiya.
Nagpahigayon sab og pagbisita sa proposed research areas sa Bolaye Cove sa Brgy. Laker, Patuco Cove sa Brgy. Patuco, og Tumanao Cove sa Brgy. Camahual.
Ang nahisgutan nga mga sites magsilbi nga pivotal research stations alang sa pag-explore sa marine biodiversity ingon man sustainable development practices.
Alayon sab ang maong lakang sa Davao Occidental Research for Development Agenda (DORDA) nga makatabang aron ma-preserba ang marine ecosystems og mapalambo pa ang ekonomiya sa lugar.
