Napabilang na si Senador Bato Dela Rosa sa mga tinitingnang sampahan ng kaso ng kampo ni dating senadora Leila De Lima.
Ito ay kasunod ng naging pasabog ng self-confessed drug lord na si Kerwin Espinosa sa pagdinig ng House Quad Comm na ang taong nag-utos sa kanya para idiin si De Lima sa usapin ng ilegal na droga ay walang iba kung ‘di si Dela Rosa.
Ayon kay De Lima, ang pagsasampa ng kaso laban sa senador ay bahagi na sa pinag-aaralan ng kanyang mga abogado.
Sa ngayon, ang malinaw pa lang umanong maaaring i-file ay perjury at subornation of perjury.
