Pinaiimbitahan sa Senado ng komite ni Senadora Risa Hontiveros ang dating Priority Development Assistance Fund (PDAF) scam convict na si dating Technology and Resource Center Deputy Director General, Dennis Cunanan.
Ito ay matapos lumabas sa mga dokumento na tumayo bilang ‘authorized representative’ ng Hong Sheng Gaming Techonology Inc. sa Bamban, Tarlac si Cunanan at maging sa Lucky South 99 sa Porac, Pampanga na parehong ni-raid ng awtoridad kamakailan.
Isa si Cunanan sa mga taong nasa likod ng pinakamalaking corruption scandal sa bansa.
Kaugnay nito, hindi umanong malabong ginagawa rin ni Cunanan sa mga Philippine Offshore Gaming Operator (POGO) ang ginawa niya sa PDAF.
Alinsunod nito, binigyang-diin ni Hontiveros na basta may POGO, may koneksyon ito sa scam.
