Maglalaro para sa San Miguel Beermen ang nagnanais rin na maging naturalized player ng bansa at dating NLEX import na si Cameron Clark.
Inaasam ni Clark na makumpleto ang hindi natapos na misyon sa season-ending ng Governors Cup sa paglalaro sa Beermen sa torneo na magsisimula sa January 22.
Si Clark ang pumalit sa pwesto ni KJ McDaniels sa pagsisimula ng playoffs matapos na pamunuan ang NLEX bilang second seeded team pagkatapos ng eliminations.
Nagbigay ng go signal ang NLEX na palayain si Clark bago siya pinapirma ng San Miguel.//CA
