NAGA CITY – Umupo na bilang bagong Acting General Manager ng Camarines Sur Electric Cooperative 2 ang dating Deputy Administrator ng National Electrification Administration o NEA matapos na mabakante ang posisyon dahil sa maagang pag-retiro ni CASURECO 2 General Manager Emelita Candia.
Sa panayam ng BNFM Naga kay Rinner Bucay, Information Officer ng naturang kooperatiba, sinabi nito na 6 na araw pa lamang sa pwesto si Acting General Manager Engr. Edgardo Piamonte at halos hindi pa nito nakaka-usap ang ilang opisyal ng kooperatiba dahil sa mga lakad nito sa NEA Central Office.
Malaki umano ang maitutulong ni Piamonte sa hinahabol na refund ng kooperatiba sa SMC.
Ayon pa kay Bucay, 6 na buwan lamang mamamalagi ang opisyal sa posisyon habang naghahanap ng kwalipikadong aplikante para sa posisyong General Manager ang Camarines Sur Electric Cooperative 2.
