LEGAZPI CITY – Preparado na an hepatura kan pulisya kan Daraga para sa burukasan ki klase sa AY 2023-2024 sa Agosto 29.
Segun kay Daraga MPS OIC Chief of Police Lt. Col. Edmundo Cerillo, Jr., laoman sa buot an saindang bilog an esfuerso sa mga aldaw na ini huli ta igwa sindang ibubugtak na mga personahes sa bilog na banwaaan.
Saro sana ini sa pagsisiyerto ninda kan seguridad bako sana kan mga estudyante kundi kan gabos na mga residente.
Mientrastanto, saiya man na pinatanidan an publiko na magin marikmat sa palibot orog na kun matawo an lugar asin pirming pagpagirumduman an mga kaakian nganing masiyerto an saindang kamarayan.
Dugang pa ni Cerillo na padagos an saindang pagpapartisipar sa mga Brigada Eskwela sa naunambitang banwaan.
