LEGAZPI CITY – Planong magtao nin libreng training an Technical Education And Skills Development Authority (TESDA) Bicol sa siyudad kan Legazpi, probinsya kan Albay.
Ini an kinumpirmar ni Sanguniang Panlungsod Committee on Education Chairman Councilor na si Joseph Philip Lee.
An libreng training iyo an inisyatibo kan TESDA Bicol para sa mga Legazpeño.
Kun magigirumduman, natapos na an pag-ako nin aplikasyon kan TESDA Bicol para sa mga mawot mag-adal sa mga kursong Bread and Pastry Production NC2, Cookery NC2 asin Dressmaking NC2 asin Electrical Installation Maintenance NC2 kan nakalihis na biyernes.
An lakdang na ini sarong inisyatiba kan ahensya na mabenepisyo sa mga mawot na makahanap nin trabaho pagkatapos makompleto an naunambitan nang training.
