Owa it pakundangan nga ginbuno ro sangka dalagita ku anang bayaw kat bisitahon kara ro anang magueang sa Brgy. Poblacion, Altavas, Aklan.
Sa report it Altavas MPS, natabo ro insidente it December 7 kung siin, nag agto ro 15 anyos nga dalagita sa baeay it suspek nga live-in partner it anang magueang.
Ginpasueod man segun imaw it suspek ag ginhambaean nga mag-ilis sa CR bangud igto segun ro eambong it anang magueang, pero kat nagapasueod eon raya sa CR, hay owa it probokasyon nga ginbuno raya it suspek gamit ro screwdriver nga may haba nga 9 inches.
Nahimo nga magsukoe it dalagita ag nakapangayo it bulig ag confined makarun sa Aklan provincial hospital samtang kulong man ro suspek nga ginasugid nga may depresyon. // ANN DESLENE SALAZAR
