Nasa kostudiya na ngayon ang suspek na sumaksak sa dalagita habang naliligo sa sapa sa Sitio Tanigiban, Barangay Tagasilay, Zamboanga City.
Ang biktima ay kinilalang si Robelyn Lagrama, 19-anyos na inatake ng suspek na si Rolly Ladesma Enriquez Jr. 17-anyos.
Base sa imbestigasyon, habang naliligo sa sapa ang biktima, lumapit ang suspek dala ang improvised na kutsilyo at nagbanta na papatayin siya sabay ang pagsabi na “siya ay adik”.
Tinulak niya ang biktima sa tubig sabay umpog sa ulo nito sa bato, at sinaksak ngunit nakatakas ang biktima.
Agad na naaresto ang suspek matapos makahingi ng tulong sa mga taga barangay. Sa ngayon, patuloy na nagpapagaling ang biktima sa pagamutan.
